Демалыстағы жарыстар — Gorilla Drift финалы және SBK Experience

Алматы — Астана трассасының 76-шақырымында орналасқан Sokol кешенінде алдағы уақытта Gorilla Drift турнирі мәресіне жетеді. Бас жүлдеге үміткер төрт спортшы: Евгений Чуматиди, Владимир Завьялов, Григорий Кузнецов және Андрей Чёлушкинің бірі чемпион атанады.

Gorilla Drift сериясы ең алдымен дрифт әлеміне жаңа қосылғандарға арналған және қарапайым трассада қатты дайындалмаған көлікпен жұп болып жарысуға мүмкіндік береді.

Соңғы кезең екі күнге жоспарланған. 10 қазанда қатысушылар мен көрерменді жаттығу, артынша квалификация күтеді. 11:00-де басталады.

11 қазан күні 12:00-де ресми ашылу шарасы өтіп, спортшылар сап түзеп жүріп өтеді. Сол уақытта Gorilla On Air YouTube-каналы хабар таратады.

Сенбі күнгі билеттерді тек Sokol кассасынан алуға болады. Құны — 2500 теңге. Жексенбіде баға мынадай:

• трибунаға кіруге мүмкіндік бермейтін «Стандарт» билеті 2500 теңге;
• «Трибуна» билеті 6000 теңге;
• қатысушылардың көлігін жақыннан тамашалауға жағдай жасайтын «Техпарк» билеті 6000 теңге, бірақ трибунаға өте алмайсыз.

Жеті жасқа толмағандар тегін кіреді.

Билетті шара өтетін күні кассадан немесе сілтеме бойынша аласыз.

Sokol-дағы үлкен айналма жолдағы трек күні

10 қазанда ашық трек күні өтеді. Қызыққан жандар 11:00 мен 16:00 аралығында бірнеше 15 минуттық сессияға қатыса алады. Сайыс саны қанша пилот жиналғанына байланысты.

Өнер көрсету үшін ФАМС сертификаты сұралмайды, бірақ машина техникалық талаптарға сай болуға тиіс, атап айтқанда, техникалық сұйықтық ақпауы, тежеуіш дискілері мен қалыптары жақсы жағдайда болуы, көлемі бір литрден кем емес өртсөндіргіш орнатылуы керек.

Машиналар Time Attack жарысындағы кластарға сай жолға шығады. Талаптардың толық тізімін мына сілтеме арқылы білесіз.

Іс-шараға қатысатын пилот 35 000 теңге төлейді.

SBK Experience, 11 қазан

Алдағы демалыста «Соколдың» үлкен айналма жолында қарапайым мотоциклшілер жүйіткиді.

SBK Experience шарасын ұйымдастырушылар колонна құрамында қысқа сессияға қатысуды ұсынады. Топ инструктордың ізімен, жарыспай және басып озбай, қауіпсіз қозғалады. Жобаның мақсаты — жарыс жолымен танысып, жылдамдықты сезінуге және трекке шығу қандай болатынын түсінуге мүмкіндік беру.

Қатысу үшіне ақауы жоқ мотоцикл мен мынадай киімжарақ жеткілікті:

• визоры бүтін шлем;
• қорғанышы бар мотокуртка;
• қорғанышы бар мотошалбар;
• мотоқолғап;
• мотобот.

SBK Experience-тің құны — 35 000 тенге. Сілтеме арқылы шарттарымен танысып, тіркелуге болады. Орын саны шектеулі. Шара 11:00-де басталады.