Біраз уақыт бұрын ҚР ИИДМ Автожолдар комитеті жаңа ақылы жол бөліктері биыл сәуірдің аяғында іске қосылатынын хабарлаған. Алайда мамырдың ортасы болса да, жолда төлем қабылдап жатқан ешкім жоқ. Министрліктің баспасөз қызметі қазір 5.8 мың шақырымға созылған республикалық маңызы бар жол бөліктеріндегі төлем қабылдау жүйесі әлі тест режимінде жұмыс істеп тұрғанын айтты.
Мекеме өкілдері жол ақысы мөлшерлемесін бекіту жөніндегі бұйрықтың жобасымен өзге мүдделі мемлекеттік органдар келіскенін, қазір құжат қабылдау кезеңінде екенін айтты. Жүргізушілерден биыл маусымда, яғни тиісті бұйрықтар заңды күшіне енген соң төлем қабылдау жоспарланып отыр.
Еске салайық, жаңа ақылы жолдарда жеңіл көліктерден шақырымына 0.8-1.1 теңге аралығында ақша алу жоспарланды. Мұнда ашық төлем қабылдау жүйесі қолданылады. Ерсілі-қарсылы ағылған машиналарды мыңнан аса арнайы камера қадағалайды.
Жол ақысын Kolesa.kz мобильді қосымшасы арқылы екі есе арзан төлеуге болады.
Комментариев: 0