Kolesa.kz тілшісіне ҚР ИИДМ Автомобиль жолдары комитетінің баспасөз қызметі хабарлағандай, 2020 жылдың соңына қарай мына жол бөліктерін тестілік режимде ақылы ету көзделген:
- Шымкент — Өзбекстан шекарасы (Ташкентке);
- Ақтөбе — РФ шекарасы (Орынборға);
- Орал — РФ шекарасы (Самараға);
- Орал — РФ шекарасы (Саратовқа);
- Атырау — Бейнеу — Ақжігіт — Өзбекстан шекарасы;
- Шымкент — Тараз;
- Тараз — Қайнар;
- Қапшағай — Талдықорған;
- Ақтау — Бейнеу;
- Қостанай — РФ шекарасы (Троицкіге);
- Павлодар — РФ шекарасы (Омскіге);
- Ақтөбе — Орал;
- Шымкент — Қызылорда;
- Нұр-Сұлтан — Қостанай;
- Нұр-Сұлтан — Павлодар;
- Павлодар — Семей — Қалбатау;
- Ақтөбе — Қызылорда.
Тестілеу жарты жылға жуық уақытты алады, ал келесі жылдың мамыр айынан бастап жол бөліктері пайдалануға беріледі. 2024 жылға қарай Қазақстандағы 10 893 шақырым жол ақылы болады.
Мекеме мамандары ҚР премьер-министрінің объектілерді тезірек іске қосу туралы тапсырмасы бойынша, бірнеше тас жолда құрылыс-монтаждау жұмыстары жүргізіліп, қажетті жабдықтар сатып алынып жатқанын айтты.
Қолданысқа берілетін жол бөліктеріне шлагбаум қойылмайды. Жүргізушілер RFID-таңбалар сатып алып, шотты толтырып қойса болғаны.
RFID-таңбалар — бұл көлік нөмірін оқымастан қажет мәліметті алуға мүмкіндік беретін бірегей нөмірі бар арнайы жапсырмалар. Олар жеке шотқа негізделген және ақылы жолдан тоқтамай өтуге жағдай жасайды.
Қазіргі ақылы жолдарда да аталған таңбаны қолдану жоспарда бар. Олардағы ақпаратты оқитын аппараттар барлық жолға орнатылды. Қазіргі уақытта жүйе сынақтан өтіп жатыр. RFID құрылғылары 2020 жылдың III тоқсанында іске қосылуы тиіс.
Ақылы жолдарға 50 % жеңілдікпен төлем жасау үшін Kolesa.kz мобильді қосымшасын орнатыңыз.
Комментариев: 0