Оңтүстік аймақта қыстың лебі де сезілмейді, ал теріскейде қар борап, күн күрт суыды. 5 желтоқсандағы мәліметке сүйенсек, қала сыртындағы бірнеше трасса жабылған. Атап айтқанда:
- Астана — Петропавл тас жолының Астанадан Щучинскіге дейінгі бөлігі (18-234-шақырым);
- Екатеринбург — Алматы тас жолының Чистополье ауылынан Астанаға дейінгі бөлігі
(834-1247-шақырым); - Көкшетау — Атбасар тас жолының Зерендіден Атбасарға дейінгі арасы (49-184-шақырым);
- Жақсы — Есіл тас жолының Жақсыдан Бұзылық ауылына дейінгі бөлігі (0-82-шақырым);
- Қостанай — Әулиекөл — Сурган тас жолының Қостанай облысының шекарасынан Сурганға дейінгі арасы (218-260-шақырым);
- Жезқазған — Петропавл тас жолының Арқалықтан Знаменкаға дейінгі бөлігі (338-569-шақырым).
Көктайғақ қала көшелерінде ғана емес, одан тыс жолдарда да байқалды. Қостанайда көше ортасында коньки теуіп жүргендер кездесті. Елордада коммуналдық қызмет мамандары күшейген режимде жұмыс істеп жатыр. Мұны жергілікті әкімдік хабарлады. Десе де бас шаһарда бір түнде 63 жол апаты тіркелген.
Билік қала тұрғындары мен қонақтарынан далада жүргенде жазатайым жағдайға тап болмау үшін аса сақ болуды сұрады.
Оңтүстік астана мен Алматы облысында келер аптада күн суытып, түнде термометр бағаны 17 градусқа дейін түседі, қар жауады.
Комментариев: 0