Volkswagen жаңа Amarok-ты көрсетті

Volkswagen Оңтүстік Америка нарығына арналған үшінші буындағы Amarok-тың алғашқы суреттерін жариялады. Көліктің дизайны толық көрінбейді, өйткені автомобиль камуфляжбен қапталған. Жаңа Amarok алдыңғы буыннан ірі және ерекше жарық техникасын алды.

Пикаптың екінші буыны сияқты, бұл да Volkswagen-нің әзірлемесі емес. Қазіргі модель Ford платформасына негізделген болса, бұл жолы автоөндіруші қытайлардың әзірлемесін пайдаланды. Ол — Volkswagen-нің Қытайда бұрыннан бері бар SAIC бірлескен кәсіпорны.

Amarok 5.5 метрлік Maxus Terron 9 пикабының платформасын алды. Бұл модель нарық пен жетек түріне байланысты Maxus eTerron 9, Maxus Interstellar X немесе LDV Terron 9 деп аталады.

Донор ZF автоматы, толық жетек жүйесі және бұғатталатын дифференциалмен жұптаса жұмыс істейтін 224 ат күшіне ие (250 Нм) 2.5 литрлік турбодизельмен немесе алдыңғы осьте 185 ат күші, артқы осьте 290 ат күшін беретін екі электромотормен жабдықталады. Олар 102 кВт·сағ батареядан қуат алады. Жүріс қоры 560 шақырымға жетеді.

Жақында топтамаға гибрид модификация қосылады. Ол Аустралия нарығына MG U9 ретінде шығады. Amarok-тың капот астына осы түрленімдегі күштік құрылым жайғасады. Бразилиядағы Motor1 редакциясы хабарлағандай, іштен жанатын қозғалтқыш пен электромоторлардың қуаты 470 ат күшінен (800 Нм) асады.