Павлодар мұнай өңдеу зауытын жөндеу жұмыстары кейінге шегерілді

«ҚазМұнайГаз» ҰК" АҚ хабарлағандай, Павлодар мұнай-химия зауытын (ПМХЗ) жөндеу жұмыстары 2027 жылға шегерілді. Компания ішкі нарықты мұнай өнімдерімен қамтамасыз ету және күзде сұраныс артқанда тапшылықты болдырмау мақсатында осындай қадамға барды.

«ҚазМұнайГаз» жақында ПМХЗ мен Атырау мұнай өңдеу зауытын Шымкенттегі кәсіпорын сияқты жөндеу жұмыстарын жүргізу аралығы ұзарған режимге көшіруді жоспарлап отырғанын атап өтті. Шымкенттегі кәсіпорын үш жылдық циклге ауысты. Өндіріс толық тоқтамай, үздіксіз жұмыс істейді.

Компания елдегі тоқтап тұратын зауыттардың санын азайтумен қатар, олардың қуатын арттыруды жоспарлап жатыр. Мысалы, Шымкенттегі кәсіпорын жылына 6 емес, 12 млн тонна, ал ПМХЗ 9 млн тоннаға дейін мұнай өңдейді. «ҚазМұнайГаз» бұл жобалардың құжатын әзірлеп жатыр. Ал төртінші зауытты салуға Еуропа көмектесетіні белгілі болды.