Volkswagen Touareg-тің арнайы нұсқасы шықты

Компания Touareg-тің Еуропаға арналған Final Edition деп аталатын түрленімін көрсетті. Бірегей салоны концерннің модельмен қоштасатынын білдіреді. Volkswagen 2002 жылдан бастап шыққан Touareg-ті келер жылы конвейерден алып тастайды. Бастапқы бағасы — 75 025 еуро (47.3 млн теңге). Бренд 2026 жылдың наурызына дейін Final Edition-ге тапсырыс қабылдайды.

Машинаның басты ерекшелігі — Final Edition жазуының көптігі. Ол артқы есіктердің терезе жиегіне лазермен жазылған, былғарымен қапталған трансмиссия селекторында да бар. Сонымен қатар алдыңғы панельдің жарық жүйесінде және табалдырықтағы қаптамаларда болады.

Клиенттер осылай әрленген автомобильдің кез келген комплектациясына тапсырыс бере алады.

Үш буын бойы модель үшін негізгі нарық Еуропадағы елдер, әсіресе Германия болды, бірақ 39 елде саудаланды. 2002 жылдан бері концерн әлем бойынша 1.2 миллионнан астам кроссовер сатқан.

1 / 4

• 
• 
• 
• 

1 / 4

«Туарегтің» ғұмыры аяқталған соң Tayron моделі Volkswagen-нің флагман кроссовері рөлін атқарады. Дегенмен Touareg атауы онжылдықтың аяғына қарай қайта оралуы мүмкін. ID. Touareg деп аталатын ірі электрлі көлік жаңа платформаға негізделеді, марка оны Rivian компаниясымен бірлесіп әзірлеуді жоспарлап отыр.