Қазақстанда жаз айларында қысқы дөңгелекпен жүруге рұқсат жоқ. Бұл шектеу 1 маусымнан бастап күшіне енеді. Ереже бұзғандар Әкімшілік кодекстің 590-бабы 5-бөлігі (техникалық регламент пен ұлттық стандарттың талаптарына сай келмейтін және ақауы бар немесе пайдалануға тыйым салынған көлікті басқару) бойынша 5 АЕК (2026 жылы 21 625 теңге) айыппұл төлейді.
Полиция қызметкері екінші рет тоқтатқан жағдайда жаза қатаңдай түседі. Әкімшілік кодекстің 590-бабы 10-бөлігіне сәйкес айыппұл 20 АЕК (86 500 теңге) болады.
Көлік дөңгелегін ауыстырып үлгермеген немесе ұмытып кеткен жүргізуші тездетіп шина ауыстыратын орынға барғаны жөн.
Анықтама ретінде: Кедендік одақтың 018/2011 техникалық регламентінің 5.5-тармағына сай «жазда (маусым, шілде, тамыз) бүртабан дөңгелекпен жабдықталған көлік құралын тізгіндеуге тыйым салынады. Ал қыста (желтоқсан, қаңтар, ақпан) осы қосымшаның 5.6.3-тармағындағы талапқа сәйкес келетін қысқы дөңгелекпен жабдықталмаған М1 және N1 санатындағы көлік құралын жүргізуге болмайды».
Комментариев: 0