V8 моторы бар BMW M3 аукционға қатысады

АҚШ-тағы онлайн-аукциондардың бірінде E92 индексті ерекше BMW M3 бәссаудаға түсті. Ол алғаш рет 2013 жылы тіркелген.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Автомобиль — 1957 жылы АҚШ-тың Коннектикут штатындағы Лейквилл қаласына жақын жерде ашылған әйгілі жарыс трассасына арналған шектеулі Lime Rock Park Edition сериясының бір бөлігі. Мұндай M3-тің 200 данасы ғана бар.

1 / 22

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 22

Lime Rock Park Edition стандарт M3-тен (E92) ашық қызғылт сары түсті шанақ, карбон шатыр, аэродинамикалық бастырық және 19 дюймдік Style 359 дискісімен ерекшеленеді. Көлік төмен аспа, бейімді амортизатор (EDC) және тұрақтандыру жүйесі (DCS) бар Competition пакетімен сатылған.

M3 420 ат күші мен 400 Нм момент беретін 4 литрлік атмосфералық V8-бен (S65) жүреді. Екі іліністі 7 сатылы робот моментті артқы дөңгелектерге береді.

Материал жарияланған сәтте сирек кездесетін купенің бағасы 200 000 долларға (94.2 млн теңге) жуықтады. Экземпляр шектеулі тиражымен және аз жүргенімен қызықтырады. Автомобильді жаңа деуге болады, өйткені 2013 жылдан бері одометрі небәрі 86 мильді (140 км) көрсетіп тұр.