Сирек кездесетін G-Class 143 мың долларға сатылды

Mercedes-Benz G-Class әу баста әскери мақсаттағы машина ретінде жарық көріп, он жылдан аса қатарлы мотормен жабдықталды. Модельдің мотор гаммасына сегіз цилиндрлі қозғалтқыш 1993 жылы 500 GE V8-бен бірге қосылған. V8-бен жүретін алғашқы G-Class бір жыл жарық көрді, мұндай геликтің небәрі 446 экземпляры шыққан.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Осы автомобильдердің бірі Абу-Дабидегі RM Sotheby’s аукционында 143 мың долларға (68 млн теңге) сатылды. Avantgarde Verde деп аталатын ерекше жасыл түске боялған бұл 500 GE V8 өте аз жол жүрген (24 254 км). Оның үстіне машина әу баста Сауд Арабиясы король әулетінің өкілі, ханзада Сұлтан ибн Абд аль-Азиз Аль Саудқа арнап жасалған.

Тапсырыс беруші геликті ерекше түспен бояп, AMG дөңгелек дискісін орнатуды әрі интерьерді сұр және қара былғары комбинациясымен әрлеуді сұраған.

1 / 11

• 
• 
• 
• 
• 
• 
• 
• 
• 
• 
• 

1 / 11

Аукционға шығардан бұрын жол талғамайтын көлік Джидда қаласындағы Obsessive Car Workshop шеберханасында толық жөндеуден өткен. Шеберлер техникалық сұйықтығы мен сүзгілерін ауыстырып, алдыңғы дифференциал мен климат жүйесінің жұмысын қалпына келтірген.