«Автопоток» телеграм-каналы хабарлағандай, УАЗ «Хантер» көлік құралының типін мақұлдау құжатын алды. Автомобиль Ресейде және ЕАЭО елдерінде кем дегенде үш жыл саудаланады, себебі құжаттың жарамдылық мерзімі сондай.
«Хантердің» комплектациясы өзгермейді. Жол талғамайтын көлік N1G категориясына өткендіктен компания оған қауіпсіздік жастығын орнатпайды. Соңғы жылдары модельдің өндіріс көлемі кеміген.
«Хантердің» тарихы 1972 жылдан басталады, сол жылы Ульяновск автозауытында әйгілі ГАЗ-69-дың орнын басқан УАЗ-469 конвейерге тұрды. Бренд жаңа өнімге жиырма бірінші «Волганың» агрегаттарын орнатқан, құрылымын әскери жағдайға бейімдеу үшін қарапайым етіп жасады. 1985 жылы индексі 3151-ге ауысты, ал 2003 жылы машина экспортқа шығады деген мақсатпен «Хантер» деп аталды. Бүгінге дейін қозғалтқышы мен беріліс қорабы жаңарып, қарапайым салоны жайлы опциялармен толықты.
Ульяновскідегі «буханкамен» қатар бұл модель әлі күнге дейін өндірісі тоқтамаған әлемдегі ең ескі автомобильдердің бірі.
Комментариев: 0