Toyota жол талғамайтын көліктеріне дрон орнатады

Toyota жол талғамайтын көліктерін шағын пилотсыз аппаратпен жабдықтау мүмкіндігін қарастырып жатыр. Reuters агенттігі хабарлағандай, өндіруші бұл идеяны АҚШ Федералды азаматтық авиация басқармасымен бірге талқылаған.

Toyota дрон қолдану көліктің жолдағы қауіпсіздігін жақсартатынын айтып, жауапты органнан рұқсат сұрады. Жүргізушілер дрон көмегімен төңіректегі жағдай туралы толық ақпарат алып, қауіпсіз бағытты жоспарлай алады. Сондай-ақ дрондар автомобиль маңында ұшады, яғни оператор (жүргізуші) оларды көріп отырады.

Toyota өкілдері мұндай пилотсыз жүйені сериялы өндіріске шығару қазірше жоспарда жоқ екенін айтты. Компания қазірше түрлі салада жаңа технологияларды зерттеп жатыр.

Жақында АҚШ-та дрон ұшыру жүйесімен жабдықталған пилотсыз полиция көлігі жолға шыққан. Еуропада Renault компаниясы Vision 4Rescue концептісіне квадрокоптер қолданды. Ал Қытайда BYD концерні кей кроссоверіне опция ретінде дрон орнатады.