Қазір көлік атаулыда жылытқыш, массаж функциясына ие кресло мен диван не видео түсіретін дрон сияқты сан алуан пайдалы опция бар. Бірақ Aito маркасының модельдерін шығаратын Seres инженерлері жүргізушінің өмірін жеңілдететін жабдықтар тізімі мұнымен бітпейтінін ескертті. Фирма автомобиль әжетханасына патент алу үшін өтініш берген.
CarNewsChina порталы жариялаған суреттен компания орындықтың астына унитаз орнатқысы келетінін көруге болады. Алайда құжатта ол қалай жұмыс істейтіні жазылмапты. Жоба авторлары әдетте кемперге қойылатын биотуалеттің бір түрін пайдаланатын сияқты.
Seres-тің идеясы өте қызық екені анық, дегенмен жеңіл көліктегі туалет таңғаларлық жаңалық емес. 1954 жылы Vignale ательесі Нью-Джерсиден шыққан Джозеф Дж. Машуч деген өнертапқыштың тапсырысымен Rolls-Royce Silver Wraith моделін құрастырып, ішіне унитаз орнатқан.
Комментариев: 0