Шатырдағы квадрокоптер — BYD ұсынатын жаңа опция

Компания 2023 жылы Yangwang U8 жол талғамайтын көлігімен бірге қызық технологияның концептісін көрсетті. Автомобиль жеке квадрокоптермен жабдықталды. Ол шатырдағы бокста сақталып, әуеден фото және видео түсіруге арналған. 2025 жылдың басында бұл жүйе бірнеше сериялық модельдің опциялар тізіміне енді.

Жаңа өнім Ling Yuan деп аталады және әлемдегі жетекші дрон өндіруші — DJI компаниясымен бірлесіп жасалған. Ол 4K-дрон мен көліктің шатырына бекітіліп, автоматты түрде ашылатын бокстан тұрады.

Дрон бір батырманы басқанда қосылады. Қозғалыс кезінде қосу үшін жылдамдық 25 км/сағ-тан аспауға тиіс. Кішкентай квадрокоптер 54 км/сағ жылдамдықпен жүріп бара жатқан көліктің соңынан ұшып, айналасын түсіре алады. Түсірілім аяқталған соң дрон боксқа оралады және сол жерде қуатталады. 20-дан 80 %-ға дейін қуаттау үшін 30 минут жеткілікті.

Дронды көліктің мультимедиа жүйесімен немесе смартфон арқылы басқаруға болады, екі жағдайда да арнайы қолданба орнату керек.

Ling Yuan-нің бағасы 16 мың юаньнан (миллион теңгеге жуық) басталады. Дронды BYD-дің жеті моделімен бірге сатып алуға болады. Тізімде Yangwang U8, Leopard 5, Leopard 8, Denza N9, BYD Tang L және гибрид Sealion 07 DM-i бар.