Toyota жаңарған Land Cruiser 70-ті көрсетті

2023 жылы тамызда Toyota сырт пішіні жаңа, жарық техникасы өзгерген, кең электроника жинағына ие және 6 сатылы автоматпен жұптасқан 2.8 литрлік турбодизельмен жүретін Land Cruiser 70-ті таныстырған. Арада бірнеше ай өткенде марканың гибралтарлық бөлімі модельдің өз нұсқасын (TGS) көрсетті. Ақ түсті, ұстамды Land Cruiser-ді автосалоннан сатып алу қиындау, оны БҰҰ мен түрлі гуманитарлық мекемелер ғана алады.

1 / 7

• 
• 
• 
• 
• 
• 
• 

1 / 7

GDJ76 индексін алған автомобильді брендке тән ақ түсті бояуынан, бұдырлы шинасы бар болат дөңгелек дискілерінен, алдындағы механикалық хабынан, сонымен бірге шноркель және галогенді шамы бар қарапайым жарық техникасынан бірден тануға болады.

1 / 5

• 
• 
• 
• 
• 

1 / 5

Көліктің салонында да ауыз толтырып айтатын ештеңе жоқ. Көлікті медиажүйеден қағып, орнына пластик бітеуіш орнатыпты. Жаңа аспаптар панелін классикалық түріне ауыстырған.

Гуманитарлық Land Cruiser капотының астында үйреншікті алты цилиндрлі 1HZ емес, 2.8 литрлік 1GD-FTV турбодизелі тұр. Мотор алты сатылы автоматпен жұптасқан, автомобиль толық жетекті. TGS 201 ат күшін беретін агрегаттың үнемділігі 30 % артық деп отыр. Қозғалтқыш Еуро-4 экостандартына сай келеді.

Motor1.com порталы жариялаған ақпарат бойынша GDJ76-ның алғашқы партиясы 2024 жылы наурызда жолға шығады. Оған Біріккен Ұлттар Ұйымы тапсырыс берген.