«ЦОН» мобильді қосымшасындағы цифрлық сервистердің саны артты. Бұдан былай қызмет алушылар дайын куәлігін, техпаспортын және көлік нөмірін алу үшін қайта ХҚКО-ға бармайды.
«Азаматтарға арналған үкімет» тапсырысты рәсімдеу небәрі бірнеше минут алатынын хабарлады. Сервисті құжат не нөмір дайын болған соң ғана қолдана аласыз. Ол тек тапсырыс рәсімделген елді мекен шекарасында қолжетімді болады.
Азамат 17:00-ге дейін тапсырыс берсе, дәл сол күні құжаты қолына тиеді, одан кейін рәсімдесе, келесі жұмыс күнін күтуге тура келеді. Астана мен Алматыда қызмет құны — 15 мың теңге, басқа өңірлерде — 7 мың теңге.
Қалай тапсырыс беру керек:
- «ЦОН» мобильді қосымшасын ашып, «Арнайы ХҚКО» бөлімінен «Дайын құжаттарды жеткізу» бөлімін таңдайсыз.
- Мекенжай мен ыңғайлы уақытты жазасыз.
- Тапсырысты растап, оферта келісімшартымен келіскен соң қызмет ақысын төлейсіз.
Содан кейін қосымша арқылы тапсырыс статусын бақылап, курьер туралы мәліметті көруге болады.
Комментариев: 0