АҚШ-тағы «20 мың долларлық пикап» жоспардағыдан қымбат тұрады

Былтыр сәуірде АҚШ-та жаңа автоөндіруші пайда болған (компания инвесторларының қатарында Amazon-ның негізін қалаушы Джефф Безос бар). Марка түрлі субсидияны есептегенде бағасы 20 мың доллардан басталатын батареялы пикап шығарамыз деп мәлімдеп, ел назарын аударған.

Ал 2026 жылы маусымның аяғында компания жаңа өнімнің нақты құнын жариялап, машина клиенттердің қолына жыл аяғына дейін тиетінін хабарлады. Пикаптың базалық нұсқасы 24 950 доллар (12.1 млн теңге) тұрады. АҚШ-та электромобильге арналған субсидия тоқтағанын ескерсек, баға бұдан әрі төмендемейтіні анық.

1 / 8

• 
• 
• 
• 
• 
• 
• 
• 

1 / 8

Slate Auto автомобильдің жаңарған техникалық сипаттамасын да жария етті. Артқы осьте орналасқан жалғыз электромотордың қуаты 201-ден 183 ат күшіне төмендеген, ал айналу моменті 400 Нм деңгейінде қалды. Бұған дейінгі сыйымдылығы 52.7 немесе 84.3 кВт·сағ болатын екі батареяның орнын 65 киловаттық LFP батареясы басты. Машинаның жүріс қоры — 330 шақырым.

Компания көлікке мол фирмалық аксессуарлар жинағын әзірлеп қойған. Мысалы, шанақ қаптамасының бірнеше нұсқасы бар, себебі шанақ түсі біреу ғана — сұр. Truck-ты бес орынды жол талғамайтын көлікке айналдыратын қосымша құрылым мен диван да болады, бағасы 29 950 доллардан (14.5 млн теңге) басталады.

Модельге 180 мың алдын ала тапсырыс түсті деген ақпарат бар. Бірақ нешеуі нақты сатылатыны белгісіз.