Toyota Техас штатының Сан-Антонио қаласындағы өз зауытына (Tundra мен Sequoia шығады) 3.6 млрд доллар инвестиция салатынын жариялады. Онда жылына 150 мың машина шығара алатын екінші құрастыру желісі іске қосылады, зауытта енді Tacoma пикапы шығады.
Осыған байланысты Мексиканың Тихуана қаласындағы Toyota зауытында Tacoma өндірісі тоқтайды. Бұл жоспар 2030 жылға қарай жүзеге асады.
Айта кетейік, Toyota-ның Тихуанадағы (2002 жылдан бастап) және Гуанахуатодағы (2019 жылдан бастап) зауыттары әу баста Солтүстік Америкадағы еркін сауда туралы келісімге (бұрынғы NAFTA, қазіргі USMCA) сай салынған. Онда жасалған автомобильдің 85 %-ы —АҚШ-қа, 10—12%-ы Канадаға жіберіледі.
2025 жылы Мексикадағы қос кәсіпорын 310 мың Toyota Tacoma құрастырды, оның 274 мыңнан астамы АҚШ-та сатылды. Бұл елде тек «Такома» шығатын, жапон компаниясы бос қалған өндіріс орындарын енді немен толтырарын білмей отыр.
Мексика билігі бұл үрдіске айтарлықтай алаңдаушылық білдіріп отыр, себебі кейінгі онжылдықтарда бұл ел солтүстіктегі көршісі үшін алып көлік құрастыру алаңына айналған. Мысалы, General Motors онда Chevrolet Silverado, GMC Sierra және Chevrolet Equinox-ті шығарды. Ал Ford — Mustang Mach-E, Maverick модельдерін, Stellantis — RAM Crew Cab пикабын осы елде құрастыратын.
Комментариев: 0