Toyota Century кросс-купесі мен Lexus LS минивэнін көрсетеді

Toyota қазанның аяғында Japan Mobility Show көрмесінде жаңа буындағы Corolla-ны таныстырады. Осы көрмеде Lexus, Century сияқты премиум маркалары қалай дамитынын көрсететін екі концептіні де жұрт назарына ұсынады.

1 / 10

• 
• 
• 
• 
• 
• 
• 
• 
• 
• 

1 / 10

Century суббренді қазір екі модельден тұрады — сәнді седан мен кроссовер. Токиода концерн үшінші модель — кросс-купенің прототипін ұсынады. Концепт ұсақ торлы радиатор торы және «пиксельді» жарық техникасы бар жаңа алдыңғы бөлігімен ерекшеленеді. Фотодан есігі сырғып ашылатыны байқалады. Артқы әйнегі болмайды.

Lexus флагман саналатын люкс седандарын салтанаты одан кем түспейтін люкс минивэндерге алмастыруды жоспарлап отыр, мұны жаңа шоукардың индексінен аңғаруға болады. Қазірше Lexus LS минивэнінің сұлбасын көрсететін жалғыз фото жарияланды. Бренд көлікті өлшемі әртүрлі дөңгелек дискісімен жабдықтаған, артқы жағында екі ось орналасқан. Машина Century моделі сияқты сырғып ашылатын есік, кең салон және батареялы күштік құрылыммен сатылады.

Бұрын LS аббревиатурасы Luxury Sedan дегенді білдірсе, қазір оны Luxury Space деп түсіндіруге негіз бар. Концерн басшысы Акио Тойода Lexus мұндай модельді сериялы өндіріске шығаруы мүмкін екенін айтты.