BYD Қазақстанға үш жаңа гибридін әкелді

Биыл шілденің екінші жартысында BYD-дің Қазақстандағы топтамасына бірден үш бензоэлектрлі жаңа модель қосылды. Компания өкілдері олардың бағасын жариялап, алдын ала тапсырыс қабылдап жатыр.

Ең арзаны — Yuan Up. Бұл модель осы айдың басында сертификат алды. Кроссовер 98 ат күшін беретін 1.5 литрлік атмосфералық қозғалтқышпен жүреді. Ол электромеханикалық вариаторға кіріккен 197 ат күшіне ие электрлі агрегатпен жұптаса жұмыс істейді. Құрылым 18 кВт·сағ Blade LFP аккумуляторынан қуат алады. Өндіруші көлік NEDC циклі бойынша 110 км еңсереді, ал жалпы жүріс қоры 1100 шақырымға жетеді деді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Yuan Up алдыңғы және бүйірлік қауіпсіздік жастығы, айнала шолу камерасы бар жүргізуші ассистенттерінің базалық жинағы, 8.8 дюймдік цифрлық аспаптар панелі, 12.8 дюймдік мультимедиа экраны, панорамалы шатыр, сымсыз қуаттағыш, алдыңғы орындықтарды, рөлді және артқы әйнекті жылытқыш, электр көмегімен реттелетін жүргізуші орындығымен жабдықталады. Бағасы — 12.7 млн теңге.

Seal 6 гибрид седаны одан сәл қымбат. Бұл модель Қытайда Qin L DM-i атауымен белгілі. Компания ұзындығы 4.8 метр болатын автомобильдің жалғыз комплектациясын ұсынады. Бағасы — 13 млн теңге. Ол 101 ат күшіне ие 1.5 литрлік атмосфералық қозғалтқышпен және 218 ат күшін беретін электромотормен жүреді. Батарея сыйымдылығы — 15.8 кВт·сағ. Электр қуатымен 103 шақырым еңсерсе, аралас режимде 2020 шақырым жүріп өтеді.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Жабдықтар тізіміне жүргізуші ассистенттерінің кешені, парктроник және айнала шолу камерасы, екі аймақты климат-бақылау, 8.8 дюймдік цифрлық аспаптар панелі, 15.6 дюймдік мультимедиа дисплейі, сегіз динамикті аудиожүйе, проекциялық дисплей, барлық орындықты жылытқыш, алдыңғы орындықтарды желдеткіш, жылыту функциялары және салқындатқыш жәшік кіреді.

Гибрид топтаманың флагманы енді Atto 8. Қытайда Tang L ретінде белгілі. Ұзындығы 5 метр, дөңгелек базасы 2.95 метр болатын кроссовер үш қатарлы салоны бар жалғыз комплектацияда қолжетімді. Бағасы — 23.5 млн теңге. Толық жетекті Atto 8 149 ат күші мен 220 Нм момент беретін 1.5 литрлік турбмотор, екі электрлі агрегта және 35.62 кВт·сағ LFP аккумуляторымен жабдықталған. Жалпы қуаты 544 ат күшіне тең. Жүріс қоры 1000 шақырымнан асады, тек электрлі режимде 152 км еңсереді.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Машинаның комплектациясына электрондық ассистенттердің кең жинағы, бейімделгіш аспа, бірінші және екінші қатардағы орындықтардағы жылытқыш, желдеткіш және массаж функциялары, үш аймақты климат-бақылау, сымсыз қуаттағыш, 10.25 дюймдік цифрлық аспаптар панелі, 15.6 дюймдік мультимедиа экраны, алдыңғы әйнекке түсетін проекция және 21 динамикті аудиожүйе кіреді.