JLR электрлі Range Rover Sport-ты көрсетті

2026 жылы Range Rover және Range Rover Sport модельдері жаңарады. Машинаның сырт келбеті өзгеріп, техникалық жағынан заманауи талаптарға сай жақсарады және алғаш рет электрлі құрылым алады. Электрлі Range Rover-дің прототиптері сынақ кезінде бірнеше көзге түсті, компания да камуфляжсыз автомобильді көрсетті. Бренд енді атауында Sport қосымшасы бар жол талғамайтын көлікті таныстырды.

Батареялы Range Rover Sport-тың прототипі Гудвудтағы Жылдамдық фестиваліне барғанмен, оның тұсаукесері арнайы іс-шарада өтті. Сынаққа қатысқан электромобиль қазіргі RRS-ке ұқсағанмен, жаңа дискілер алды.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Компания күштік құрылым өзгергенмен, Range Rover Sport асфальттағы және жолсыз жердегі мүмкіндіктерін толық сақтап қалады деді. Бренд өкілдері презентация барысында жарыс трассасы мен арнайы кедергілері бар жолда жүрген машинаны көрсетті.

JLR әзірге жаңа модельдің техникалық сипаттамасын жарияламады. Бұған дейін автомобиль 800 вольттық архитектурасы бар жаңа модульдік EMA платформасына негізделеді және қуаты V8-бен шамалас болады деген хабар тарады. Екі моторлы күштік құрылым 550 ат күші мен 850 Нм момент береді, бірақ қарапайым түрленімі де шығады. Жүйе 118.5 кВт·сағ батареядан қуат алады. Ол EPA әдісімен есептегенде 531 шақырым еңсереді.