18 шілдеде Алматыдағы бірнеше көшеде көлік қозғалысы шектеледі

18 шілдеде Алматыда Summer Relay кешкі эстафеталық жарысы өтеді. Осыған байланысты мегаполистің тарихи орталығындағы бірнеше көшеде қозғалыс уақытша шектеледі.

Алматы әкімдігі хабарлағандай, жарыс бағыты Төле би, Қабанбай батыр, Панфилов көшелері мен Абылай хан даңғылы арқылы өтеді.

18 шілде 09:00-ден 19 шілде 06:00-ге дейін Төле би көшесінің Панфиловтан Абылай хан даңғылына дейінгі бөлігі жабылады. Ал 18 шілде 20:00-ден 23:00-ге дейін мына бөліктерде көлік жүрмейді:

• Абылай хан даңғылы — Төле биден Қабанбай батырға дейін;
• Қабанбай батыр көшесі — Абылай ханнан Назарбаевке дейін;
• Панфилов көшесі — Қабанбай батырдан Төле биге дейін.

Ұйымдастырушылар қала тұрғындары мен қонақтарынан уақытша шектеуді ескеріп, бағытын алдын ала жоспарлауды сұрайды.