Биыл алғашқы алты айда Toyota әлемде 5.39 млн автомобиль сатты. Ал екінші орында тұрған Volkswagen концерні 4.13 млн машина саудалаған деп жазды Carscoops.
Бірақ жапон маркасы үшін жайсыз статистика да бар.
Концерннің биылғы көрсеткіші 2025 жылғы сәйкес кезеңмен салыстырғанда 2.8 % төмендеді, ал Қытайдағы саудасы 17.1 % құлдырап, 694 670 автомобиль болды. АҚШ пен Иран арасындағы қақтығыс және оның әлемдік мұнай бағасына әсері Таяу Шығыстағы Toyota саудасын 21.6 % төмендетті.
Есесіне, марка өз елінде жақсы көрсеткішке қол жеткізді, Жапонияда сауда 4.4 % өсіп, 1.1 млн машинаға жетті. Бұған брендтің bZ4X электрокроссоверін сата бастағаны оң әсер етіп отыр. Солтүстік Америкадағы жақсы көрсеткіш Қытай мен Таяу Шығыстағы нашар нәтиженінің орнын да толтырды, бұл өңірде сауда 0.9 % артты (1.45 млн машина өтті).
Марканың экологиялық таза модельдеріне сұраныс артып келеді, биыл алғашқы жарты жылда мұндай машина саудасы рекордтық деңгейге жеткен. Әсіресе гибрид алатындар көп — 2.71 млн автомобиль өтті (+9.1 %).
Қазақстанда 2026 жылдың алғашқы жартысында 3997 «тойота» сатылды. Елдегі жаңа автомобиль саудасы бойынша рейтингте жапон маркасы тоғызыншы орынға жайғасқан. Ал жол талғамайтын көліктер класында Toyota Land Cruiser Prado 250 көш бастап тұр.
Комментариев: 0