Ресми автосалондардағы жаңа көліктердің саудасы қайта өсті. Маусымның қорытындысы бойынша дилерлер жеңіл коммерциялық көлікті қоса есептегенде 21 861 техника сатты. Бұл былтырғы сәйкес кезеңмен салыстырғанда 12.5 % көп, сол кезде 19 426 машина өз иесін тапты.
Қазақстан автомобиль одағының мәліметінше маусымдағы жоғары көрсеткіш жыл басынан бергі төмен көрсеткіштің орнын толтыруға мүмкіндік берді. Алты айда автосалондар 105 886 жаңа көлік сатты, яғни 2025 жылдың бірінші жартыжылдығымен салыстырғанда 0.9 % жоғары.
Маусымда брендтер рейтингінде Chevrolet көш бастады. Марка 3117 көлік сатса, Hyundai дилерлері 3034 автомобильдің кілтін тапсырды. Үшінші орынға екінші ай қатарынан Changan жайғасты. Оның саудасы 2565 машинаға жетіп, былтырғы маусыммен салыстырғанда 121.5 % артты. Одан кейінгі орындарда Chery (1966 дана), Haval (1677 дана) және JAC (1600 дана) тұр. Kia жетінші орынға тұрақтады. Брендтің көрсеткіші 35.5 % (1422 дана) төмендеді.
2026 жылғы маусым қорытындысы бойынша жаңа автомобильдер нарығындағы үздік 10 марка
| Позиция | Марка | 2026 жылғы маусымдағы сауда |
| 1 | Chevrolet | 3117 |
| 2 | Hyundai | 3034 |
| 3 | Changan | 2565 |
| 4 | Chery | 1996 |
| 5 | Haval | 1677 |
| 6 | JAC | 1600 |
| 7 | Kia | 1422 |
| 8 | Jetour | 1230 |
| 9 | Toyota | 964 |
| 10 | Geely | 692 |
Маусымда модельдер арасында Chevrolet Cobalt көп өтті. Оның көрсеткіші (2896 дана) екінші орындағы Hyundai
Бірінші жартыжылдықтың қорытындысы бойынша Қазақстандағы ең танымал бренд — Chevrolet (17 586 дана). Одан 339 көлікке қалып қойған Hyundai (17 247 дана) екінші орында тұр. Рейтингтің үшінші сатысына Kia (12 332 дана) жайғасты.
2026 жылғы алты ай қорытындысы бойынша жаңа автомобиль нарығындағы үздік 10 марка
| Позиция | Марка | 2026 жылғы алты айдағы сауда |
| 1 | Chevrolet | 17 586 |
| 2 | Hyundai | 17 247 |
| 3 | Kia | 12 332 |
| 4 | Changan | 9471 |
| 5 | Chery | 8143 |
| 6 | Haval | 6730 |
| 7 | Jetour | 5774 |
| 8 | JAC | 4745 |
| 9 | Toyota | 3997 |
| 10 | Geely | 2926 |
Комментариев: 0