Бір апта бұрын Chery Holding Group құрамына кіретін Lepas бренді Қазақстанға келетіні белгілі болды. Осылайша елімізде концерннің сегіз маркасы саудаланады. Бұған дейін қай өнімдер сатылатыны белгісіз еді, бірақ компания дистрибьютормен келісімшартқа 27 сәуірде қол қойып, модельдер қатарын жариялады.
Алғашында бренд L4, L6 және L8 кроссоверлерін ұсынады. Олардың гибрид, электрлі және іштен жанатын қозғалтқышпен жүретін түрлері бар.
Батареялы машиналар тек күштік құрылымымен емес, жеке дизайнымен де ерекшеленеді. Мысалы, L6 электромобилі Таиландтағы автошоуда прототип ретінде шыққан. Марка
Компания
Қазақстан автонарығындағы жағдайды ескерсек, көп адам бензинді нұсқаны таңдайды. Себебі гибрид пен электромобиль ресми салондардан машина алатын клиенттердің арасында енді ғана танымал бола бастады.
Алғашқы кезеңде Lepas көліктері Қазақстанға дайын күйде келеді. Дегенмен дистрибьютор мұнда өндірісті қолға алуды жоспарлап отыр. Orbis Auto компаниясының бас директоры Динара Искакованың айтуынша брендтің барлық моделі Алматыда салынып жатқан зауыттың конвейеріне тұрады. Кәсіпорын 2027 жылы іске қосылады.
Комментариев: 0