2024 жылы қай елде қай модель бестселлер болды әрі әлемде ең көп сатылған марка қайсы? Сарапшы Фелипе Муньос осы сұрақтарға жауап беретін статистика жариялады.
Рейтингте Toyota көш бастап тұр. Жапон маркасының өнімдері 52 мемлекеттің жаңа автомобиль нарығында бірінші орын алған. Ең қызығы, көбінде бестселлер атағы RAV4, Corolla немесе Camry емес, Hilux пикабына бұйырды (31 елде). Бірақ сатылған машина саны бойынша RAV4 үздік шықты. Ол Toyota өнімдері арасында ғана емес, бүкіл әлемде ең көп өткен автомобиль атанып отыр.
Эфиопия мен Иордания тұрғындары Land Cruiser 70 сияқты классикалық
Француз-румын бренді Dacia (Duster кроссовері, Sandero хетчбэгі және Logan седаны бар) он мемлекетте бестселлер. Nissan, Škoda және Tesla — сегіз елде, Renault жеті елде оза шапты. Бізге жақсы таныс Chevrolet мен Kia — бес мемлекетте, Hyundai төрт мемлекетте бірінші орын алды.
Қазақстанда ең көп саудаланған автомобиль Chevrolet Cobalt екені белгілі. Бұл седанға Өзбекстан мен Әзербайжанда да сұраныс жоғары. Ал Қырғызстан тұрғындарының көбі Tracker таңдаған.
BYD брендінің Қытай, Израиль, Тәжікстан және Сингапурда саудасы қызып тұр.
Бір мемлекетте премиум спорткар алға шығып, жұртты таңғалдырды. Атап айтқанда, Андоррада (82 мың тұрғыны бар) 83 Porsche 911 сатылған.
Комментариев: 0