Токаев: Карантин в Казахстане будут снимать постепенно

Тоқаев: Қазақстан карантиннен кезең-кезеңімен шығады

ҚР президентінің сөзінше, елде төтенше жағдай режимі аяқталды, бірақ босаңсуға болмайды.

Бүгін Төтенше жағдай режимін қамтамасыз ету жөніндегі комиссияның қорытынды отырысында мемлекет басшысы Қасым-Жомарт Тоқаев елдің қалыпты өмірге қалай оралатыны жайлы айтты.

«Бүгін бүкіл ел аумағында төтенше жағдайдың күші жойылады. Алайда бірқатар өңірлерде вирус жұқтыру қаупі әлі де жоғары. Эпидемияны толық жеңген жоқпыз. Пандемия әлі де халық денсаулығына қауіп төндіріп тұр. Сондықтан карантиндік шектеулер әр өңірдегі жағдайдың жақсаруына байланысты, кезең-кезеңімен алынады», — деп мәлімдеді ҚР президенті.

Сонымен қатар, бүгін ҚР бас санитар дәрігерінің 2020 жылдың 10 мамырында бекіткен Қазақстан «Республикасында коронавирустық инфекцияның алдын алу жөніндегі шараларды одан әрі күшейту туралы» № 36 қаулысы жарияланды. Құжатта жеті күн ішінде COVID-19 вирусына шалдығу деңгейі 7 %-дан аспаса, Алматы, Нұр-Сұлтан және Шымкент қалалары мен облыс әкімдіктерінің аумағы 2 000 шаршы метрден аспайтын азық-түліктік емес дүкендер мен базарлардың жұмыс істеуіне рұқсат бере алатыны жазылған. Яғни, елді мекендерде тек ТЖО, автобөлшек сататын шағын дүкендер, көлік жуатын орындар мен автосалондар ғана емес, автобазар сынды ірі нысандар да іске қосылады. Жергілікті билікке көлік жүргізушілерге қызмет көрсететін орталықтарды ашуға да кеңес берілді.

Комментариев: 0

Чтобы оставить комментарий, вам необходимо зарегистрироваться или авторизоваться.