Тони Старк мінген Acura NSX аукционға қатысады

Кіші Роберт Дауни сомдаған кейіпкер әдетте қымбат әрі жылдам автомобиль мінеді. Солардың қатарында «Кек алушылар» (The Avengers, 2012) фильмінің соңында Темір адам Халкпен бірге бұлыңғыр болашаққа бет алғанда тізгіндеген қою шие түстес родстер де бар.

Ол 2015 жылы жарық көрген екінші буындағы NSX қандай болатынын көрсететін концепт еді. Машинаның дизайнын Acura Design Studio студиясы жасап, Калифорниядағы Trans FX шеберханасының мамандары құрастырған.

Ол күнделікті пайдалануға арналған машина емес, киноға түсетін реквизит. Жоба 252 мың миль (405 555 км) жүрген 1991 жылғы NSX-ке негізделген. Жаңа шанақ шайыр мен шыныталшықты пайдалана отырып қолмен жасалған, мамандар аспасын бірнеше дюйм төмендетіп, 18 дюймдік дөңгелек орнатты. Интерьерде жаңа екі креслодан басқасы бұрынғы қалпында қалды.

1 / 6

• 
• 
• 
• 
• 
• 

Сиденья с 4-точечными ремнями безопасности установили в NSX уже после съёмок

1 / 6

Бұл экземплярдың тағы бір ерекшелігі бар: 2016–2022 жылдары шыққан NSX-тің екінші буыны тек жабық купе шанағын алды, родстер нұсқасы мүлде болмады.

Әлемге әйгілі реквизит Юта штатындағы Парк-Сити қаласында өтетін Sundance кинофестивалі аясында аукционға қатысады. Саудадан түскен қаражат қайырымдылыққа жұмсалады, ақшаны қай ұйымға аударатынын көлікті алған кісі таңдайды.