Трамп әкімшілігі автоимпортқа енгізген 25 % тариф АҚШ-та өнім сататын автоконцеріндерді әуреге салды. Олар Сауда министрлігі белгілі бір модельдің локализация деңгейін қалай анықтайтын білмей отыр. Импорт көліктерге салынған тариф — 2 сәуірде, компонентке қатысты салық мамырда күшіне енеді деп хабарлады ВВС.
Трамп Мексика мен Канададан кірген компонентке АҚШ-тың кеден және шекараны қорғау мекемесі жаңа алым жинау жүйесін дайындағанша уақытша салық салынбайтынын айтты.
Anderson Economic Group мамандарының есептеуінше, Мексика мен Канададан кіретін өнімге 25 % тариф енгізу АҚШ-тағы автомобиль бағасын 4000-10 000 доллар шамасында өсіреді.
Былтыр жазда АҚШ-тағы бизнес мектептердің бірі елде шыққан компоненттер Tesla модельдерінде көп екенін анықтады. Мысалы, Model 3 Performance — 87.5 %, Model Y Long Range бен базалық Model Y — 85 %, Cybertruck — 82.5 % және Model S пен Model X 80 % отандық бөлшектерден жасалады.
Mustang-тың GT және GT Premium түрленімін де отандық өнім деп санауға болады, маслкардың локализация деңгейі 80 %-ға жетіп отыр. Honda Passport-тың Passport AWD және Passport Trailsport нұсқасы — 76.5 %. Jeep Wrangler Rubicon мен Sahara (76 %), Volkswagen ID.4 AWD (75.5 %), GMC Canyon AT4 Crew Cab және Chevrolet Colorado (75.5 %) модельдері де негізінен жергілікті бөлшектерден жасалған деп жазды Carscoops.
2024 жылы АҚШ аумағына жалпы құны 240 млрд доллар болатын 8 млн машина кірді. Бұл сатылған барлық автомобиль сомасының жартысына тең. Бұл елге автомобильдер негізінен Мексика, Оңтүстік Корея, Жапония, Канада және Германиядан жеткізіледі.
Комментариев: 0