Suzuki моделінің атауын алған Chery пикабы

Қытайдың Chery концерні экспортқа шығатын жаңа моделінің алғашқы суретін жариялады. Ол — Stockman деп аталатын 5.45 метрлік рамалы пикап. 1980 жылдары Suzuki-дің Jimny-ге негізделген шағын жүк көлігі дәл осылай аталған болатын.

Жаңа «Стокманның» сырт пішінінде ешқандай тосынсый жоқ. Өйткені пикап бұған дейін Қытайдағы түрлі көрмелерде Rely P3X концептісі ретінде көрсетілген болатын.

Ал модельдің салонын көпшілік алғаш рет көріп отыр. Алдыңғы панель мен ортаңғы консольде орналасқан физикалық батырмалар бірден назар аудартады.

Пикаптың техникалық сипаттамасы жайлы ақпарт аз. Бірақ Stockman әлемдегі дизельді моторға негізделген алғашқы параллельді-тізбекті гибрид екені белгілі. Автомобильдің капот астында 285 ат күшіне ие 2.5 литрлік турбодизель тұр, ал электрлі жүріс қоры 170 шақырымға жетеді. Күштік құрылымның өзге параметрі қазірше белгісіз.

Автомобиль биыл жыл аяғына дейін Аустралия нарығына шығады.