2024 жылы қарашада Еуроодақ Қытайда шыққан электромобильдерге кедендік алым мөлшерін көтерді, сома әр өндірушінің мемлекеттен алатын қолдауына байланысты, атап айтқанда, Шанхайда шыққан Tesla-ға — 17.8 %, BYD мен Geely-ге — 27–29 %, ал мемлекеттік SAIC өнімдеріне 45 % салық салды.
Осыған байланысты Қытай брендтері қосылатын гибрид (PHEV) экспортына күш сала бастады. Фраунхофер институтының мәліметінше 2024 жылы Еуропада небәрі 25 мың қытайлық PHEV сатылса, 2025 жылы олардың саны 160 мыңға жеткен. Қазір мұнда гибридтер арасындағы бестселлер — BYD Seal U.
Онсыз да Қытай өнімдерінен ішкі нарықты қорғауға барын салып жатқан жергілікті өндірушілерге бұл жағдай ұнамасы анық. Сондықтан Брюссель гибридтерге де жоғары салық енгізуге дайындала бастады деп жазды Handelsblatt басылымы. Еурокомиссия осы бағытта жұмыс істеп жатыр. Жаңа мөлшерлеме
Бұған жауап ретінде Қытай автоконцерндері қарт құрлықта өндіріс орындарын ашуға кірісті. Мысалы, BYD Венгрияда зауыт құрылысын аяқтауға жақын, ал Chery мен SAIC Испанияда тұралап қалған зауыттарды сатып алу мақсатында келіссөздер жүргізіп жатыр.
Комментариев: 0