Subaru жетінші буындағы Outback-ті Қазақстанға әкеледі

Қазір Қазақстандағы Subaru топтамасында 2019 жылы жарық көрген алтыншы буындағы Outback бар. Жақында оның орнын былтыр көктемде шыққан жетінші буын өкілі басады. Бұл нұсқа бұрынғыдай универсал емес, толыққанды кроссовер болады.

Жергілікті реестрде жаңа өнімнің құжаты жарияланды. Құжатта BU индексті машинаның ұзындығы — 4880 мм, ені — 1880 мм, биіктігі — 1715 мм, дөңгелек базасы 2745 мм деп жазылған.

1 / 8

• 
• 
• 
• 
• 
• 
• 
• 

1 / 8

Outback АҚШ-та 260 ат күшіне ие (376 Нм) 2.4 литрлік турбомотормен жүреді, Қазақстан нарығына арналған нұсқада бұл мотор жоқ. Біздің елде машина 186 ат күшіне ие (254 Нм) 2.5 литрлік атмосфералы агрегатпен ғана сертификат алған. Қозғалтқыш вариатор және тұрақты толық жетек жүйесімен жұмыс істейді.

Біздің елде модельдің қанша комплектациясы болатыны белгісіз. Бірақ автомобильдің жабдықтар тізімінде климат-бақылау, айнаны, алдыңғы және артқы креслоны жылыту, кілтсіз ашу жүйелері, люк, айнала шолу камерасы, электрондық көмекшілер кешені және т.б. болады. Фаркоп орнату мүмкіндігі де бар.

1 / 5

• 
• 
• 
• 
• 

1 / 5

Бренд жетінші буындағы Outback-тің сырт пішінін түбегейлі өзгертіп, бұрынғы жол талғамайтын универсал имиджінен бас тартты. Автомобиль енді екі деңгейлі оптика, ірі радиатор торы және пластик бастырығымен кроссовер сияқты көрінеді. Салонда дизайнерлер қазіргі Subaru модельдеріне тән тік мультимедиа экранын алып тастап, 12.3 дюймдік тачскрин мен 12.1 дюймдік аспаптар панелін орнатқан. Алдыңғы панельде климат жүйесін басқаратын дәстүрлі батырмалар блогы тұр.