Америкалық рэпер YE-дің концерті 21:00-де басталып, Алматыдағы басты футбол стадионының алаңында өтеді. 14 тамызда 14:00-ден бастап айналадағы көшелерде көлік қозғалысы шектеледі. Олар:
- Абай даңғылы;
- Байтұрсынов көшесі;
- Сәтбаев көшесі.
Қала әкімдігі хабарлағандай, жабық бөліктерде полиция кезекшілікте тұрады. Іс-шара аяқталған соң 60 тегін автобус алты бағыт бойынша қонақтарды тасымалдайды. Автобустар Орталық стадионнан мына бағыттарға қарай қатынайды:
- «Алматы Арена» кешені — 10 автобус;
- "Райымбек батыр"/"Алатау" метро станциясы — 10 автобус;
- Алматы-1 теміржол вокзалы — 5 автобус;
- Орбита ықшамауданы — 5 автобус;
- Жұлдыз ықшамауданы — 10 автобус;
- Алматы халықаралық әуежайы — 10 автобус;
- қосымша — 10 автобус.
Қоғамдық көлік пен метро жұмысы күшейеді. «Байқоңыр» метро станциясы 21:00-де жабылады. Концертке баратындар «Абай» және «Мұхтар Әуезов атындағы театр» бекеттерінен түсе алады. Метро 01:00-ге дейін істейді, қажет болған жағдайда жұмыс режимі 03:00-ге дейін ұзарады.
Комментариев: 0