Семейдегі Ертіс өзені арқылы өтетін жаңа көпірдің құрылысы 2022 жылы басталған. Жалпы ұзындығы — 1350 метр. Оның 540 метрі автомобиль жолынан, 810 метрі аралық құрылыстан тұрады. Эстакаданың ені — 23 метр.
Кіреберіс жол салу жұмыстары жалғасып жатыр. Мамандар Шәкәрім көшесіне ірі түйіршікті асфальтбетон төседі, ал Тәңірбергеновте жер қазып, инженерлік желіні ауыстырып жатыр.
Көпір 2026 жылдың аяғына дейін ашылады. Көлік министрлігінің мәліметінше жобаға 40 млрд теңге жұмсалған. Құрылыс аяқталғаннан кейін жаңа өткел аудандар арасындағы автомобиль қатынасын, соның ішінде жүк көліктерінің қозғалысын жеңілдетіп, қолданыстағы көпірлерге түсетін жүктемені азайтуға мүмкіндік береді.
Қазір Семейде Ертіс өзені арқылы өтетін үш негізгі көпір (теміржол және екі автомобиль) бар. Бейбітшілік аралына апаратын бір қосымша өткел де жұмыс істейді.
Комментариев: 0