Chevrolet Қытайдағы коммерциялық қызметін тоқтатуға шешім қабылдады деп хабарлады Automobilwoche басылымы. Компанияның сауда көрсеткіші 2014 жылы 767 мыңнан астам көлікке жетті, ал 2025 жылы 9 мыңнан (99 % құлдырады) аспады.
Америкалық бренд Қытайда Monza, Blazer, Equinox, Malibu XL, Seeker (Trax) және Tracker сияқты жаһандық модельдерді ұсынды. Captiva кроссоверінің соңғы нұсқасы да саудаланды. Өзбекстан мен Қазақстанға келмей тұрып, Onix те Қытайдағы зауытта жасалды. Топтаманың басым бөлігі — іштен жанатын қозғалтқышы бар көліктер, тіпті гибридтер жоқ. Жергілікті клиенттердің талғамы өзгерген тұста Chevrolet өнімдерінің танымалдылығы айтарлықтай төмендеді. GM басшылары жағдайдан хабардар болды, бірақ қытайлар арасында әлі сұранысқа ие Buick пен Cadillac брендтеріне басымдық беруді жөн көрді. Ал арзан «шевролелердің» саудасы төмендегенше ешқандай шара қолданбады.
Дегенмен SAIC-GM кәсіпорнының көптеген зауыты өз қызметін жалғастыра береді. Олар бағытты Латын Америкасы, Азия және Африка елдеріне бұрып, Қытайдың өзінде жасалған, сол жақта Wuling және Baojun брендтерімен танымал автомобильдер жеткізеді. Олардың арасында электромобильдер де бар.
Комментариев: 0