GAC жол талғамайтын Yue 7 гибридін таныстырды

JLR компаниясының бұрынғы креативті директоры Джерри Макговерн кейінгі жиырма жылда Range Rover, Range Rover Sport, Velar, Evoque модельдерінің, сондай-ақ қайта жаңғырған Defender-дің сұлбасын сызды.

Макговерн бренд философиясын түбегейлі өзгертіп, утилитарлы жол талғамайтын көліктерді модернистік стиль мен сән-салтанаттың эталонына айналдырды, тіпті әскери тарихы бар қарапайым «Дефтің» өзі заманға сай түске енді.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Қытайдың SUV сегментінде Defender-ге еліктеген көптеген модель жарық көрді, солардың ең жаңасы — GAC Yue 7. Бірақ қытайлар әбден көз үйренген қорап тәрізді форманы сәл өзгертіп, сегізбұрышты пішін енгізген. Октагон пішіні машинаның дөңгелек аркасынан, тұманға қарсы шамның жиегінен және салондағы бөлшектерден байқалады.

Бес метрлік Yue 7 жолсыз жер мен алыс сапарға арналған, сондықтан рамалы қатты шанақпен ерекшеленеді. Реттелетін пневмоаспа ең жоғары деңгейде көтерілгенде клиренс 310 мм-ге жетеді. Автомобильдің арсеналында үш дифференциалды бұғаттау жүйесі бар. Кіру, шығу бұрышы — 30° және 33°.

1 / 20

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 20

Машина 1.5 литрлік турбомотор және екі электромоторы бар қосылатын гибрид (PHEV) саналады. Жалпы 544 ат күшін беретін агрегаттың арқасында көлік алғашқы жүздікті небәрі 4 секундта еңсереді. CATL аккумуляторының сыйымдылығы нұсқасына қарай 28.3–46 кВт·сағ болады, модель электр қуатымен 116–188 км жүре алады. Ал гибрид режиміндегі жалпы жүріс қоры 1000 шақырымнан асады. Орташа бензин шығыны — 3 л/100 км.

Алдыңғы әйнектің төменгі бөлігінде BMW Neue Klasse модельдеріндегі сияқты 1.1 метрлік жіңішке проекциялық дисплей орналасқан. Ортаңғы консольде 15.6 дюймдік тачскрин тұр, оның астында желдеткіш дефлекторы және физикалық батырмалар көзге түседі. Жүргізуші алдындағы дәстүрлі аспаптар панелі үш экранға бөлінген, олар — инклинометр, компас және кренометр. Ал шатырдың шетіне автопилотқа арналған лидар жайғасқан.

GAC Yue 7 биыл күзде саудаға шығады. Ол Қытайда Tank 400 бен Fang Cheng Bao 5-ке бәсекелес болады.