Сәуірде автосалондар қанша автомобиль сатты

Елдегі ресми автосалондардың несие бағдарламалары өз жемісін беріп жатыр. Сәуірде Қазақстанда 19 247 жеңіл автомобиль мен жеңіл коммерциялық техника иесін тапты. Бұл 2024 жылғы сәуірдегі көрсеткіштен 35.9 % көп, бірақ биыл наурыздағы нәтижеге жетпей қалды.

Қазақстан автокөлік одағының (ҚАО) есебінше биыл төрт айда елде 66 090 автомобиль өтті, бұл 2024 жылдың сәйкес кезеңімен салыстырғанда 23.3 % жоғары көрсеткіш.

Hyundai Қазақстандағы ең танымал бренд атағын сақтап қалды. Бір айда дилерлер 4393 машинаның кілтін тапсырды, бұл былтыр осы айда тіркелген көрсеткіштен 44.4 % жоғары. Екінші орынға Chevrolet (2725, +84.5 %), үшінші сатыға Kia (2207, +25.2 %) жайғасты. Бестікте кішігірім өзгеріс бар, Chery (1434) Jetour-ды (1368) ығыстырып, төртінші орынға оралды.

2025 жылғы сәуір қорытындысы бойынша жаңа автомобиль нарығындағы үздік 10 марка

Сәуірде BYD саудасы біршама өскенін айта кеткен жөн. Қытай бренді 136 гибрид пен электромобиль сатты. Бұл көз сүріндірерлік цифр емес, бірақ марка төрт айда небәрі 222 автомобиль саудалағанын есерсек, өткен айдағы көрсеткіш керемет екенін түсінесіз.

Сәуірде танымал модельдер тізімінде тағы Chevrolet Cobalt (2194 дана) көш бастады. Екінші және үшінші орын Hyundai Tucson (1762) мен Kia Sportage-ге (1000) бұйырды. Ал алғашқы бестікке Hyundai Mufasa (745) мен Hyundai Elantra (580) кірді.

1 / 10

• 
• 
• 
• 
• 
• 
• 
• 
• 
• 

1 / 10

2025 жылғы алғашқы төрт айдың қорытындысы бойынша Hyundai Қазақстан автонарығының көшбасшысы атанып отыр. Кәріс маркасы 16 098 автомобиль саудалады. Бұл екінші сатыдағы Chevrolet (8734 дана) көрсеткішінен екі есеге жуық көп. Үздік үштікті Kia (7112) түйіндеді. Топ-5 тізімде Chery (4531) мен Jetour (4471) бар.

2025 жылғы төрт ай қорытындысы бойынша жаңа автомобиль нарығындағы үздік 10 марка