Биыл жаздың екінші айында елдің ресми автонарығы тәуір нәтиже көрсетті. Шілдеде 21 371 жеңіл автомобиль мен жеңіл коммерциялық техника иесін тапты. Бұл былтырғыдан 5.9 % көп.
Қазақстан автокөлік одағының есебінше 2026 жылдың алғашқы жеті айында елде 127 260 жаңа машина сатылды. Бұл 2025 жылғы сәйкес кезеңмен салыстырғанда 1.7 % жоғары көрсеткіш.
Шілдедегі маркалар рейтингінде Hyundai көш бастады, оның дилерлері 3712 машина өткізген. Екінші орынға Chevrolet жайғасты, бренд 2855 көлік саудалады, бірақ бұл былтырғы көрсеткіштен 30 % нашар. Үздік үштікті Kia түйіндеді. Марка маусымдағы сәтсіздіктен кейін қайта үшінші орынға оралды. Дегенмен Changan-ның нәтижесі Корей брендіне өте жақын тұр: 2492 және 2456. Ал үздік бестікке тағы бір Қытай өнімі — Chery (1543) енді.
2026 жылғы шілде қорытындысы бойынша жаңа автомобильдер нарығындағы үздік 10 марка
| Орын | Марка | 2026 жылғы шілдедегі сауда |
| 1 | Hyundai | 3712 |
| 2 | Chevrolet | 2855 |
| 3 | Kia | 2492 |
| 4 | Changan | 2456 |
| 5 | Chery | 1543 |
| 6 | Jetour | 1129 |
| 7 | Toyota | 1019 |
| 8 | JAC | 994 |
| 9 | Geely | 868 |
| 10 | Haval | 864 |
Модельдер рейтингінде әдеттегідей Chevrolet Cobalt бірінші орында тұр. Шілдеде седанның 2682 данасы өтті. Екінші жүлде Hyundai
Жеті айдың қорытындысы бойынша бестселлер бренд атағын Hyundai (20 959 дана) иеленді. Екінші орында Chevrolet (20 441) тұр. Kia (14 824 ) үшінші қатарға орналасты.
2026 жылғы жеті ай қорытындысы бойынша жаңа автомобиль нарығындағы үздік 10 марка
| Орын | Марка | 2026 жылғы жеті айдағы сауда |
| 1 | Hyundai | 20 959 |
| 2 | Chevrolet | 20 441 |
| 3 | Kia | 14 824 |
| 4 | Changan | 11 927 |
| 5 | Chery | 9686 |
| 6 | Haval | 7590 |
| 7 | Jetour | 6903 |
| 8 | JAC | 5739 |
| 9 | Toyota | 5016 |
| 10 | Geely | 3794 |
Комментариев: 0