Салоннан жаңа шыққандай көрінетін ескі Chevrolet Blazer сатылады

GM жол талғамайтын көлігі, екінші буындағы «Блэйзердің» құрылымы да, дизайны да консерватизмге тұнып тұр. Машинаға сұраныс жақсы болғандықтан көп өзгеріске ұшырамай, 1973 жылдан 1991 жылға дейін жарық көрді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Chevrolet Blazer-дің көбі толық жетекті болған. Оның арасында наурызда Mecum аукционына шығатын 1989 жылғы экземпляр да бар. Машина электронды отын бүрку жүйесі бар 5.7 литрлік бензинді V8 моторымен жүреді, ол 4 сатылы автомат қораппен жұмыс істейді. Сондай-ақ артқы дифференциалды бұғаттау және күшейген аспа серіппесі бар.

Төбесін алып-салуға болатын үш есікті автомобиль круиз-бақылау, кондиционер, электрлі әйнек көтергіш, Delco AM/FM стерео жүйесі, зауыт орнатқан күңгірт әйнек және т.б. бар үздік комплектацияда жасалған. Салонының целлофаны әлі алынбапты, дилерлік жапсырмалары да орнында тұр. Машина небәрі 21 миль жүрген.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Жол талғамайтын көлік 36 жыл бұрын 21 853 долларға сатылған, оның 6748 долларын иесі опция үшін төлепті. Инфляцияны ескергенде бұл сома 55 000 долларға тең. Бірақ қазір Chevrolet Blazer-дің құны бұдан әлдеқайда жоғары. Өйткені 2023 жылы машинаны басқа адам 125 мың долларға сатып алған. Жаңа иесі оны бұдан қымбатқа өткізуді жоспарлап отыр.