Әлемнің әр түкпірінде байкерлер ұлттық заңнама мен белгілі бір қаланың ережесіне сәйкес арнайы жолақпен жүре алады. Олардың қоғамдық көлікпен қатар қозғалуына Ұлыбритания, Испания, Швеция, Аустралия және тағы бірнеше ел рұқсат берген.
ТАСС дерегінше бұл қатарға жуырда Ресей қосылады. Көлік министрі Андрей Никитин “ведомство электрлі велосипед сияқты мотоциклді де автобус жолағымен жүргізу мүмкіндігін қарастырып жатыр, мен байкер ретінде бастаманы қолдаймын” деп мәлімдеді.
Қазақстанда әлі ешкім мұндай идея айтқан жоқ. Біздің елде тіпті мопедшінің бұл таңбаны басуға құқығы жоқ. Арнайы киім киген влеосипедшілер мен электросамокатшылар ғана бөлек жолақ болмаса, қоғамдық көлікпен қатар жүре алады.
Мұндай шешімнің артықшылығы жетерлік. Мәселен, автомобильдер жолақ ауыстырғанда мотоциклшінің апатқа түсу қаупі азаяды, көлік көп кезде арт жақтан соққы тие ме деп қорықпауға болады, қос дөңгелекті техника кептелісте тұрмайды. Алайда кемшілігі де бар: мотоцикл автобус пен троллейбустың жұмысын қиындатады, көрші жолақтағы жүргізуші оңға бұрылғанда жақындап қалған байкты байқамай қалуы ықтимал.
Комментариев: 0