Блогерлер ойнатқан машина аукционға қатысады

Мемлекеттік электрондық сауда порталында бірнеше ерекше лот пайда болды. Олар — Астанадағы заңды тұлғаның атына тіркелген сегіз жаңа Hyundai Elantra седаны.

Қазақстанда жасалған 1.5 литрлік қозғалтқышпен және вариатормен жабдықталған бұл көліктердің әрқайсысы 8.4 млн теңгеге бағаланған. Машиналар Эльмира Төлегеноваға тиесілі Zhana Business ЖШС-нің атында болған. Эльмира Төлегенова Ерболат Жанабыловпен бірге заңсыз кәсіпкерлікпен айналысқаны және қаражатты заңдастырғаны үшін сотталған.

Блогерлер былтыр жазда әлеуметтік желіде онлайн-курс сатып алушылар арасында ұтыс ойын ұйымдастырғаны үшін Ойын бизнесін және лотереяны реттеу комитетінің назарына ілікті. Ұтыс жүлделерінің қатарында сегіз Hyundai Elantra болған.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Блогерлерге қатысты қылмыстық іс былтыр қазанда қозғалып, 2026 жылғы 27 сәуірде сот оларды кінәлі деп таныды. Ерболат Жанабылов екі жылға шартты түрде бас бостандығынан айырылып, мүлкі тәркіленді. Эльмира Төлегенова да екі жылға бас бостандығынан айырылды, бірақ жазаны кейін өтейді. Олар 247.65 млн теңге шығынды толық өтеді.

Аукциондағы жаңа Elantra-лар қарапайым халыққа бұйырмайды. Өйткені билік оларды алдымен заңды тұлғаларға тегін ұсынады. Жыл басында 1Win онлайн-казино ұйымдастырушыларына тиесілі болған Mercedes-Maybach S500 де мемлекеттік органдардың балансына өткен.