Биыл шілдеден бері жанармай құны құбылмап еді, қыркүйек аяқталуға таяғанда ірі желілер прайс ауыстырды.
Алматыда АИ-92 бензинінің бағасы 2-3 тг өсіп, 251-252 теңгеге жетті. Ал дизель құны кәдімгідей шарықтап кеткен. Бұрын литрі 348 тг болса, енді 351 теңгеге аласыз. Бекеттердің көбі АИ-95-ті бұрынғыдай 321–328 теңгеге сатып жатыр.
Астанада қазір 92-нің құны 245-253 шамасында, демек кей желі 7 тг қосқан. АИ-95 мұнда 312–315 тг тұрады. Жазғы дизельдің бағасы Алматыдағыдай, 6 тг көтеріліпті. Елорда тұрғындары оны 338–343 теңгеге алады.
Шымкенттегі ірі желілерде АИ-92 — 234–236 тг, АИ-95 — 304–307 тг, дизель 340–348 теңге. Яғни 92 маркалы бензин мен соляркаға 4-6 тг үстесе, 95-тің құнын өзгертпеген.
Комментариев: 0