Заңда* жазылғандай, жеңілдік 2029 жылғы 1 қаңтарға дейін күшінде болады және СЭҚ ТН 8703 белгісі бар көлік құралдарын қамтиды.
Қырғызстанның Мемлекеттік салық қызметі енді ел тұрғындары мынадай жеңілдік алатынын хабарлады:
- жеке тұлғалардың (тіркелген ЖК мен заңды тұлғалардан басқа) автомобилін сатуы жүйелі түрде іске асатын әрекет деп танылмайды;
- жеке тұлғалар жеңіл машина сатса, табыс салығын төлемейді;
- жеңіл автомобиль саудасынан түскен ақша кіріс салығынан босатылады;
- жеңіл авто жеткізген (сатқан) азаматтан қосылған құн салығы сұралмайды;
- жеңіл машина сатушылар сауда салығын төлемейді.
Жеке тұлғалар (ЖК-ны қоспағанда) 2026 жылғы 1 қаңтарға дейін жүктелген салық, айыпақы және кіріс санкцияларынан да арылады.
Салық қызметінің мамандары қабылданған нормалар халық пен кәсіпкерлерге түсетін салық жүктемесін азайтуға, көлік нарығындағы операциялардың ашық өтуін ынталандыруға бағытталған деп мәлімдеді.
* «Қырғыз Республикасының салық салу, әлеуметтік сақтандыру және салықтықтан тыс табыстар саласындағы кейбір заң актілеріне өзгеріс енгізу туралы».
Комментариев: 0