Трамптың салық жүйесі екі автозауытқа кері әсер етті

Сәуірдің басында АҚШ-та жаңа кедендік тариф күшіне енді, ол елге кіретін барлық автомобильге қосымша 25 % салық үстейді. Бір күн өтпей-ақ алғашқы әсері байқала бастады. Stellantis альянсы Мексиканың Толука және Канаданың Виндзор қалаларындағы өндіріс орындары жұмысын уақытша тоқтатты деп мәлімдеді.

Ресми мәлімдемеге сәйкес Канададағы кәсіпорын кемінде екі аптаға тоқтайды, ал Мексикадағы зауыт сәуірдің аяғына дейін жабылады. АҚШ-та осы зауыттарға қажет қосалқы бөлшек өндіретін кәсіпорындағы 900 адам да жұмыстан босатылады.

Виндзордағы кешен Chrysler минивэндерін және электрлі Dodge Charger Daytona құрастырады, ал Толукада Jeep Compass пен батареялы Wagoneer S жасалады.

Басқа автоөндірушілер мұндай шешімнің орта және ұзақ мерзімді салдарын толық бағалау қиын дейді. Bernstein зерттеу фирмасының есептеуінше баға кем дегенде 7 % өсуі мүмкін. Bloomberg мәліметінше Porsche мен Mercedes-Benz ықтимал шығын 3.7 млрд долларға жетеді деп отыр.