Reuters сәуірдің басында Трамп әкімшілігі енгізген 25 пайыздық баж салығы күшіне енгеннен кейін Jaguar Land Rover-ден кейін Volkswagen де АҚШ-қа көлік импорттауды уақытша тоқтатты деп жазды. Бұл Мексикада жасалатын Tiguan мен Taos кроссоверлері және Jetta седанына қатысты.
Audi бренді қатты зардап шекті, себебі АҚШ-та ең көп сатылатын Q5 Мексикада шығады, қалған модельдер түгелдей Еуропа немесе басқа елдерден кіреді. Жаңа Audi A6 премьерасы 15 сәуірге жоспарланғанын ескерсек, бұл Америкадағы Audi жанкүйерлері үшін көңіл көншітпейтін жаңалық.
Неміс концерні өкілдерінің мәліметінше АҚШ-тағы қоймада 40 мыңға жуық көлік бар. Бұл екі айға жетеді. Техника импорттайтын басқа автомобиль брендтері де осындай жағдайға тап болды. Инсайдерлердің айтуынша, компаниялардың қоры шамамен 2–3 айға жетеді, кейін олар жаңа әрі қатаң жағдайда жұмыс істеуге бейімделуге мәжбүр болады.
Бірқатар бренд АҚШ-қа көлік жеткізуді уақытша тоқтатса, тағы біразы зауыттарын жапты. Мысалы, Stellantis альянсы Мексика мен Канададағы өндіріс алаңдарын уақытша тоқтатты.
Комментариев: 0