Биыл 13 жол бөлігінде төлем қабылдау жүйесін орнату туралы жобалық-сметалық құжаттарды әзірлеу жұмыстары аяқталады. Kolesa.kz тілшісіне ҚР Индустрия және инфрақұрылымдық даму министрлігінің баспасөз қызметінің мамандары хабарлағандай, жобаларды мемлекеттік-жекеменшік әріптестік механизмі бойынша жүзеге асыру жоспарланып отыр.
Осы жылы министрлік МЖӘ туралы келісімшартқа қол қойылатын конкурстық шаралар өткізеді. Жоспар бойынша он үш жол бөлігіндегі құрылыс-монтаж жұмыстары 2020 жылы басталады, ал төлем қабылдау жүйесі 2021 жылы іске қосылады деп ұйғарылған.
Автомобиль жолдарының қай бөліктерінде жүру ақысы алынатын болады
| № | Жол | |
| 1 | Қапшағай — Талдықорған | 184 |
| 2 | Астана — Қостанай — РФ шекарасы (Троицкіге) | 741 |
| 3 | Щучинск — Көкшетау — Петропавл — РФ шекарасы (Қорғанға) | 301 |
| 4 | Павлодар — РФ шекарасы (Омбыға) | 217 |
| 5 | Орал — РФ шекарасы (Саратовқа) | 100 |
| 6 | Нұр-Сұлтан — Павлодар | 409 |
| 7 | Ақтөбе — Орал — РФ шекарасы (Самараға) | 518 |
| 8 | Атырау — Доссор — Бейнеу — Ақжігіт — Өзбекстан шекарасы | 502 |
| 9 | Ақтау — Бейнеу | 470 |
| 10 | РФ шекарасы (Орынборға) — Ақтөбе — Қызылорда | 1 125 |
| 11 | Қызылорда — Шымкент — Тараз | 649 |
| 12 | Тараз — Қайнар (Благовещенка а.) | 237 |
| 13 | Шымкент — Өзбекстан шекарасы | 101 |
Естеріңізге сала кетейік, 2018 жылы Қазақстанда үш жаңа ақылы жол пайда болған еді. Биылдан бастап олардан өткен жүргізушілерден ақы талап етіле бастады.
Комментариев: 0