Былтыр Қазақстанда екі жаңа автомобиль зауыты іске қосылды. Бұлар мен бұрыннан жұмыс істеп жатқан кәсіпорындардың өндірістік қуаты ішкі нарықтың қазіргі сұранысынан асып түседі. Енді Қазақстанда жасалатын машиналар шетелге аттанатыны белгілі болды. LS басылымы Өнеркәсіп және құрылыс министрлігінің өнеркәсіп комитетіне сілтеме жасап хабарлағандай, қазір Еуроодақтағы серіктестермен келіссөз жүріп жатыр.
Басылымның мәліметінше негізгі мәселе — өнімдердің ЕО нарығының техникалық талаптарына, экологиялық стандарттарына және сертификаттау шарттарына сәйкес келуі.
Қазақстандағы автоөндірушілердің бірі Еуропамен бұрыннан серіктес. Былтыр шілдеде Astana Motors Чехияда Chery модельдерінің дистрибьюторы атанды. Күзде компания бұл елде Tiggo 4, Tiggo 7 және Tiggo 8 кроссоверлерін, олардың гибрид нұсқаларын сата бастады. Сондықтан Алматыдағы AMMKZ құрастырған автомобильдер Еуроодаққа экспортталады деген болжам бар.
Комментариев: 0