Hyundai мен Kia көліктеріне арналған сым Қазақстанда жасалады

Қазақстанда жасалатын автокомпоненттер қатары жақында сым жинағымен толығады. Astana Motors және Hyundai мен Kia компанияларына бөлшек жеткізетін Оңтүстік Кореядағы THN Corporation бірлесіп, Kazakhstan Wire Systems кәсіпорнын ашып жатыр.

Конвейер Алматыдағы Astana Motors технопаркінің аумағында іске қосылады. Кәсіпорын 2026 жылдың аяғында жұмысын бастайды. Қазақстанда жасалған алғашқы сым жинағын Kia Sportage кроссовері алады, ал 2027 жылдан бастап Hyundai Tucson-ға жетеді. Бұл өндіріс алаңы Қытай көліктеріне де сым шығаруды жоспарлап отыр.

Бастапқы кезеңде зауытта 200 адам жұмыс істейді. 2027 жылы қызметкерлер саны 500-ге дейін жетеді.