Елдегі автозауыттар жарты жылда қанша автомобиль шығарды

2026 жылдың алғашқы алты айында Қазақстанда 96 мыңнан аса көлік құралы жарық көрді. ҚР Ұлттық статистика бюросының есебінше биылғы көрсеткіш 2025 жылдың сәйкес кезеңімен салыстырғанда 34.4 % өсті. Былтыр отандық кәсіпорындар 71.5 мыңға жуық машина жасаған.

Басым бөлігі жеңіл автомобиль мен жеңіл коммерциялық техника — 88 886 дана. Бұл былтырғы нәтижеден 37.2 % көп. Сондай-ақ мыңнан аса жүк көлігі, автобус, арнайы техника және түрлі тіркеме шықты. Өткен жарты жылда көп категорияда өсім байқалғанымен, жүк көлігі өндірісі 1.2 % азайған.

Қазақстан автомобиль одағы хабарлағандай, жергілікті автоөнеркәсіпте Қостанайдағы Allur зауыты көш бастап тұр. Зауыт 34 560 автомобиль құрастырған. Екінші орынға Алматыдағы Astana Motors Manufacturing Kazakhstan жайғасты. Мұнда жалпы өнімнің 27.2 %-ы (25 678 дана) жасалған. Үздік үштікті оңтүстік астанада орналасқан Hyundai Trans Kazakhstan түйіндеді. Бұл зауыт 19 530 автомобиль шығарды. Ал Қостанайдағы жаңа Kia зауыты 9772 машина өндірді.

Қазақстандағы зауыттар ең көп құрастырған марка — Hyundai (19 500 автомобиль). Ал елде ең көп сатылатын Chevrolet көліктерінің алты айда 17 941 данасы жарық көрді. Рейтингтің үшінші сатысында Kia (11 705 дана) тұр. Бұл брендтің модельдерін жеке зауыт ғана емес, Allur-дің бұрынғы алаңдары жасап жатыр. Үздік бестікке Changan (9724) мен Chery (8032) енді.

2026 жылғы алты ай қорытындысы бойынша Қазақстанда жасалған үздік 10 марка