Қазақстанда жаңарған Chery Arrizo 8 сатылып жатыр

Маусымның басында Chery Arrizo 8 моделі көлік құралының типін мақұлдау құжатын алды. Айдың аяғында седан дистрибьютордың электрондық каталогында пайда болды.

Arrizo 8 бампер, алдыңғы және артқы жарық техникасы және қымбат нұсқаларға арналған жаңа 18 дюймдік дискісімен ерекшеленеді.

1 / 7

• 
• 
• 
• 
• 
• 
• 

1 / 7

Интерьерде ықшам 10.25 дюймдік аспаптар панелі, 15.6 дюймдік мультимедиа экраны және сенсорлы панелі бар жаңа рөл көзге түседі. Ортаңғы консольдегі климаттық жүйені жеке батырмалармен басқаруға болады. Рестайлингке дейінгі модификацияда ол сенсорлы еді.

Техникалық жағынан басты жаңалық — 197 ат күшін және 375 Нм момент беретін 2 литрлік турбомотор. Ол 8 сатылы автоматпен жұптаса жұмыс істейді. 150 ат күшіне ие 1.6 литрлік қозғалтқыш пен 7 сатылы робот та бар.

1.6 литрлік агрегатпен жабдықталған ең арзан Arrizo 8-дің бағасы 9.7 млн теңгеден басталады. Оның комплектациясына алдыңғы және бүйірлік эйрбэг, жүргізуші ассистенттерінің базалық жинағы, кілтсіз ашу жүйесі, екі аймақты климат-бақылау, барлық орындықты, рөл, алдыңғы әйнек және әйнек жуғыш бүріккішін жылытқыш, электр көмегімен реттелетін жүргізуші орындығы, 10 динамикті аудиожүйе және т. б. кірді.

1 / 4

• 
• 
• 
• 

1 / 4

Motion деп аталатын орташа түрленім де 1.6 литрлік қозғалтқышпен жүреді. Компания оған 18 дюймдік диск, қауіпсіздік перделері, айнала шолу камерасы мен электр көмегімен реттелетін алдыңғы жолаушы орындығын орнатты. Бағасы — 10.4 млн теңге.

Үздік Advanced модификациясы 11.6 млн теңге тұрады. Ол 2 литрлік мотор және автомат қораппен жабдықталады. Опциялар қатарына панорамалы шатыр және автоматты тежеу, жолақта ұстау, жарықты автоматты қосу, бейімделгіш круиз-бақылау сияқты электрондық көмекшілердің толық жинағы кіреді. Сонымен қатар 12 динамикті аудиожүйе, сымсыз қуаттағыш, алдыңғы орындықтарды желдеткіш, орындық жады және хош иіс шығаратын жүйе бар.